Түркістан облысында медициналық нысандар салынуда

Түркістан облысы денсаулық сақтау саласын дамытуға ерекше мән беріп, тұрғындарға сапалы және қолжетімді медициналық қызмет көрсетуге бағытталған ауқымды жобаларды жүзеге асыруда. Бұл бағытта бірнеше ірі және маңызды нысандардың құрылысы мен жаңғырту жұмыстары жүргізілуде. Түркістан облысы әлеуметтік-экономикалық дамудың маңызды бағыты ретінде денсаулық сақтау саласын нығайтып, тұрғындардың денсаулығын сақтауға және жақсартуға барынша күш жұмсап келеді. Бұл жұмыстар өңірдің жалпы өмір сүру сапасын арттыруға, халықтың медициналық қызметке деген сенімін нығайтуға септігін тигізеді.

Түркістан облысында денсаулық сақтау саласын дамытуға ерекше көңіл бөлініп, медициналық инфрақұрылымды жаңарту мен кеңейту жұмыстары қарқынды жүргізілуде. Солардың бірі – облыс орталығында 570 төсек-орындық көпбейінді аурухананың құрылыс жұмыстары қарқынды жүріп жатыр. Сонымен қатар, Біріккен Араб Әмірліктерінің «Абу-Даби» қорының демеушілігімен 80 орындық жаңа перзентхана салынып жатыр, ол келесі жылы пайдалануға берілу жоспарланған. Бұл нысандар өңірдегі ана мен бала денсаулығын жақсарту бағытындағы маңызды қадамдар болып табылады.

Сарыағаш ауданында перинаталды орталығы бар көпбейінді аурухананың құрылысын бастау жоспарлануда. Мақтааралдағы Атакент кентінде 210 орындық аудандық аурухананың жобасы дайын, ал Ордабасы ауданының Темірлан ауылында 200 төсек орындық заманауи перинаталдық орталықтың құрылысы қарастырылған. Сонымен қатар, Сауран ауданының Шорнақ ауылында 500 адамға арналған емхана мемлекеттік-жекешелік әріптестік аясында салынуда.

Өткен жылы облыста жалпы 55 медициналық-санитариялық алғашқы көмек нысаны пайдалануға берілген. Оның ішінде «Ауылда денсаулық сақтауды жаңғырту» ұлттық пилоттық жобасы аясында 49 денсаулық сақтау нысаны жұмысқа қосылды. Сонымен бірге, жергілікті бюджет есебінен Сарыағаш ауданында үш дәрігерлік амбулатория, Қазығұрт ауданында бір фельдшерлік акушерлік пункт пен бір медициналық пункт, Сауран ауданында тағы бір фельдшерлік акушерлік пункт құрылысы аяқталуда.

2025 жылы дайын ғимараттарды сатып алу практикасы бойынша 32 жаңа медициналық нысанның құрылысын іске асыру жоспарланып отыр, бұл өңірдегі медициналық қызметтің қолжетімділігі мен сапасын одан әрі арттырады.

Бұдан басқа, жергілікті бюджеттен қаржыландыру арқылы Сарыағаш ауданында 3 дәрігерлік амбулатория, Қазығұрт ауданында 1 фельдшерлік акушерлік пункт пен 1 медициналық пункт, сондай-ақ Сауран ауданында 1 фельдшерлік акушерлік пункттің құрылысы жүзеге асты. 2025 жылы дайын ғимараттарды сатып алу тәсілі арқылы 32 жаңа медициналық нысанның құрылысы жоспарланып, іске асырылуда.

«Ауылда денсаулық сақтауды жаңғырту» ұлттық пилоттық жобасы аясында облыстағы бірқатар ауруханалар күрделі жөндеуден өтті. 2022 жылы Ордабасы аудандық ауруханасы, 2023 жылы Жетісай аудандық орталық ауруханасы, ал 2024 жылы Сарыағаш аудандық орталық ауруханасы толық жөндеу жұмыстарынан өтті. Сонымен қатар, Шардара аудандық орталық ауруханасына қарасты «Қазақстан» ауруханасы мен Қазығұрт аудандық орталық ауруханасына қарасты «Қаратас» ауылдық емханасы да күрделі жөндеуден өтті.

Қазіргі уақытта Сайрам аудандық орталық ауруханасы мен Кентау қалалық орталық ауруханасында күрделі жөндеу жұмыстары жүргізілуде. Сонымен қатар, фельдшерлік акушерлік пункттердің жөндеуі жылдың соңына дейін аяқталып, пайдалануға беріледі деп күтілуде. Биыл «Жетісай аудандық «Асықата» және Сайрам аудандық «Қарабұлақ» ауруханалары да жөндеуден өтпек.

2026-2029 жылдары облыс көлемінде денсаулық сақтау саласында алты ірі жоба іске асырылмақ. Барлық құрылыс және жөндеу жұмыстары Түркістан облысының әкімі Нұралхан Көшеровтің жеке бақылауында тұр, бұл өңірдегі медициналық қызмет сапасын арттыруға ерекше көңіл бөлінгенін білдіреді.