Түркістан: Сайрам ауданында құқық бұзушылықтардың алдын алу мақсатында “Учаске” жедел-профилактикалық іс-шарасы қарқынды

Түркістан облысы Сайрам аудандық полиция басқармасы тұрғындардың қауіпсіздігін қамтамасыз ету және қоғамдық тәртіпті нығайту бағытында “Учаске” жедел-профилактикалық іс-шарасын жүйелі түрде өткізуде. Бұл шараның негізгі мақсаты – құқық бұзушылықтардың алдын алу және тұрғындармен тығыз байланыс орнату арқылы қоғамдағы құқықтық тәртіпті қамтамасыз ету.

“Учаске” іс-шарасы аясында полиция қызметкерлері ауданның әр түрлі аумақтарында — тұрғын үйлер ауласынан бастап, пәтер ішіне дейін барып, халықпен кездесу өткізіп, есепте тұрған азаматтарды тексеруден өткізеді. Мұндай тікелей байланыс құқық бұзушыларды уақытылы анықтап, олардың жауапкершілігін арттыруға ықпал етеді. Сонымен қатар, азаматтық қару иелерінің заң талаптарына сай тіркелгенін бақылау және олардың мекенжайы бойынша тексерулер жүйелі түрде жүргізіледі.

Осы шара барысында жалдамалы пәтерлер, базарлар мен сауда орындары ерекше назарға алынады. Бұған қоса, қолайсыз отбасылар мен жасөспірімдердің жиі жиналатын орындары – жастар ортасы да қатаң қадағалауға алынған. Бұл бағыттағы жұмыстар тұрғындар арасында құқықтық мәдениетті қалыптастыруға, жас ұрпақтың теріс қылықтарға жол бермеуіне, сондай-ақ қоғамдық тәртіпті сақтауға ықпал етеді.

Іс-шара нәтижесінде құқық бұзушылық жасалған жағдайлар анықталып, заң шеңберінде хаттамалар толтырылып, тиісті әкімшілік шаралар қабылдануда. Тұрғындармен жүргізілген түсіндіру жұмыстары олардың құқықтық сауаттылығын арттырып, полицияға деген сенім мен ынтымақтастықты күшейтеді.

Сайрам аудандық полиция басқармасы “Учаске” іс-шарасын жалғастыра отырып, қоғамдық қауіпсіздік пен тәртіпті сақтау үшін тұрғындармен бірге жұмыс істеуді басты міндет санайды. Бұл бағыттағы профилактикалық шаралар құқықбұзушылық деңгейін төмендетуге, тұрғындардың тыныштығын қорғауға және ауданның тұрақты дамуына септігін тигізеді.

Полиция басқармасы тұрғындарды да заң талаптарын мұқият сақтауға шақырып, қоғамдық тәртіп пен қауіпсіздікті қамтамасыз етуге үлес қосуға үндейді. Әрбір азаматтың белсенділігі мен жауапкершілігі – қоғамдағы тыныштық пен бейбіт өмірдің кепілі екенін атап өтеді.