НАУРЫЗ МЕРЕКЕСІ ҚАРСАҢЫНДА ТҮРКІСТАНДА КӨКПАРДАН ӘЛЕМ ЧЕМПИОНАТЫ ӨТЕДІ

Түркістан қаласында заман талабына сай көпфункционалды ипподром құрылысы аяқталды. Осы нысанның ашылу салтанатына орай, 16-21 наурыз аралығында көкпардан әлем чемпионаты өтеді. Байрақты бәсекеге әлемнің 10 құрамасы қатысып, жалпы саны 200 спортшы өзара мықтыны анықтайды. Чемпионаттың жалпы жүлде қоры – 30 млн теңге. Дүбірлі дода Дүниежүзілік көкпар федерациясы есебінен қаржыландырылады деп күтіліп отыр.






